روس کے علاقے کریمیا میں گیس پائپ میں حادثے کے بعد آگ بھڑک اٹھی جو قریبی جنگل تک پھیل گئی ہے۔

روسی حکام کا کہنا ہے کہ ماسکو سے ملحقہ کرائمیا کے گاؤں وینوگراڈنوئے کے قریب گیس پائپ لائن کے حادثے کے بعد آگ لگ گئی جو قریبی جنگل میں پھیل گئی ہے۔

روس کی ہنگامی وزارت نے ٹیلی گرام میسجنگ ایپ پر بتایا کہ  اور ریزورٹ قصبے الوشتا اور ایک درجن سے زائد بستیوں میں گیس کاٹ دی گئی، آبادی والے علاقے میں کوئی خطرہ نہیں ہے۔

جزیرہ نما کریمیا کے روسی حکام نے ہفتے کی رات ٹیلی گرام پر اطلاع دی کہ تقریبا 30 ہزار آبادی والے شہر الوشتا اور قریبی 14 بستیوں کو گیس کی فراہمی منقطع کردی گئی ہے۔

کریمیا کی روسی انتظامیہ نے ٹیلی گرام پر کہا کہ پائپوں میں موجود گیس مکمل طور پر جل جانے کے بعد بحالی کا کام شروع کیا جائے گا۔

روسی ایجنسیوں نے حکام کے حوالے سے بتایا ہے کہ کوئی زخمی نہیں ہوا۔ سرکاری خبر رساں ادارے کے مطابق آگ نے تقریبا 1500 مربع میٹر (16000 مربع فٹ) کے علاقے کو اپنی لپیٹ میں لے لیا۔

فوری طور پر یہ واضح نہیں ہوسکا ہے کہ آگ کس حادثےکی وجہ سے لگی۔