وزیر داخلہ محسن رضا نقوی اور ڈائریکٹر جنرل ایف آئی اے احمد اسحاق جہانگیر کی ہدایت پر کراچی ائرپورٹ پر سکینڈ لائن بارڈر کنٹرول آفس قائم کر دیا گیا۔

اس سے قبل ملتان اور لاہور ائرپورٹ پر سکینڈ لائن بارڈر کنٹرول آفس قائم کئے گئے۔ آئی سی ایم پی ڈی کے تعاون سے قائم کردہ یہ آفس جدید آلات سے لیس ہے۔

رواں ماہ ایف آئی اے امیگریشن حکام کو جدید آلات کے حوالے سے خصوصی ٹریننگ کا بھی انعقاد کیا گیا۔ امیگریشن سکینڈ لائن آفس اسٹیٹ آف دی آرٹ فرانزک اور آئی ٹی آلات سے لیس ہے۔

ترجمان ایف آئی اے نے بتایا کہ جدید آلات سے غیر قانونی امیگریشن روکنے کی صلاحیت بہتر ہوگی۔ جدید سسٹم کی بدولت جعلی دستاویزات اور ویزوں کی جانچ پڑتال کی جا سکی گی۔ جدید آلات پاسپورٹس اور ویزوں کی خصوصیات کو جانچنے میں معاونت کریں گے۔

ترجمان ایف آئی اے کے مطابق جدید آلات سے غیر قانونی امیگریشن روکنے کی صلاحیت میں اضافہ ہوگا۔ جعلی، مشتبہ اور غیر قانونی دستاویزات کی سکریننگ بہتر انداز میں کی جا سکی گئی۔ جدید آلات سے انسانی سمگلنگ کی روک تھام کو یقینی بنایا جائے گا۔