مالی سال 24-2023 کے دوران سی ڈی اے نے 52 ارب روپے کا ریکارڈ ریونیو حاصل کر لیا ہے۔

ریکارڈ 52 ارب روپے کے ریونیو پر چیئرمین سی ڈی اے محمد علی رندھاوا کا کہنا تھا کہ ریونیو جنریشن کے حصول کے لیے منفرد اقدامات کیے گئے تھے۔

چیئرمین سی ڈی اے کا کہنا تھا کہ مئی اور جون میں سی ڈی اے نے 7.9 ارب روپے وصول کیے، جبکہ مالی سال 22-2021 میں سی ڈی اے کو 47.6 ارب روپے کا ریونیو حاصل ہوا تھا۔

چیئرمین محمد علی رندھاوا کا کہنا تھا کہ مالی سال 24-2023 کیلئے ریونیو کا ٹارگٹ 41.8 ارب رکھا گیا تھا، گزشتہ مالی سال کے ہدف سے 23 فیصد زیادہ ریونیو حاصل کیا گیا۔

انہوں نے کہا کہ سی ڈی اے کو مستحکم بنانے کیلئے ریونیو کے متبادل ذرائع پر کام ہو رہا ہے۔

وزیرداخلہ محسن نقوی نے چیئرمین سی ڈی اے محمد علی رندھاوا اور ان کی ٹیم کو ریکارڈ ریونیو کا ٹارگٹ حاصل کرنے پر شاباش دی۔

وزیر داخلہ محسن نقوی نے کہا کہ سی ڈی اے کی ٹیم نے 2 ماہ میں کام کر کے ہدف سے زیادہ ریونیو جمع کیا، رواں مالی سال بھی اسی عزم سے ریونیو جنریشن پر توجہ دینا ہو گی۔