کراچی  کی مشہور سڑک شاہراہ فیصل پہ واقع کاشف سینٹر میں آتشزدگی کے باعث کئی افراد پھنس گئے ہیں۔

فائربریگیڈ حکام کے مطابق  ابتداء میں وائرنگ ڈگ میں آگ   لگی  جو دیکھتے ہی دیکھتے  دوسری  منزل سے دسویں منزل تک پہنچ گئی۔

فائربریگیڈ حکام  کا کہنا ہے کہ کاشف سینٹر کی عمارت پندرہ منزلوں پر مشتمل ہے۔ کچھ افراد  کے ابھی  بھی بلڈنگ موجود ہونے کی اطلاعات ہیں۔

فائربریگیڈ حکام  کا کہنا ہے کہ اطلاع ملنے پر فوری فائر بریگیڈ کی گاڑیاں پہنچیں اور  آگ کو مزید بڑھنے سے روک دیا گیا ہے ۔ ایک اسنارکل ، اور فائر بریگیڈ کی 7 گاڑیاں آگ بجھانے میں مصروف  ہیں جبکہ اسنارکل کے ذریعے لوگوں کو عمارت سے نکالا  بھی جارہا ہے۔

فائربریگیڈ حکام  کا کہنا ہے  ایک اور اسنارکل کو بھی طلب کرلیا گیا ہے۔

 عمارت سے صحیح سلامت باہر آنے والے ایک شخص کا کہنا ہے کہ  بلڈنگ میں ہنگامی اخراج کا راستہ موجود نہیں ہے جبکہ فائر بریگیڈ  بھی تاخیر سے پہنچی۔