’’یہ ملک آئی پی پیز کیلئے نہیں بنا، بجلی کے بلوں سے ہماری راتوں کی نیندیں اڑ گئیں‘‘

’’یہ ملک آئی پی پیز کیلئے نہیں بنا، بجلی کے بلوں سے ہماری راتوں کی نیندیں اڑ گئیں‘‘
صدرپاکستان کسان اتحاد خالد کھوکھر نے کہا ہے کہ یہ ملک آئی پی پیز کے لیے نہیں بنا۔ بجلی کے بلوں سے ہماری راتوں کی نیندیں اڑ گئی ہیں۔
ملتان میں صدرپاکستان کسان اتحاد خالد کھوکھرنے میڈیا سے گفتگو کرتے ہوئے کہا کہ آج پاکستان کی معیشت زراعت کیوجہ سے چل رہی ہے، زراعت کی قبرکھود کےاسے دفن کیا جارہا ہے، کاشتکارکو کسی بھی چیز کا ریٹ نہیں ملا۔ کیا ہم نے چالیس خاندانوں کو پالنا ہے۔ آئی پی پیزکے معاملے پر قوم کو قربان کیا جارہا ہے۔ آج غریب بالیاں بیچ کر بل ادا کرتا ہے۔
صدرپاکستان کسان اتحاد نے کہا کہ آدھے پلانٹ چلے ہی نہیں اور ان کو پیمنٹ ڈالر میں کیجاتی ہے۔ پلانٹ چلے ہی نہیں صرف کیپسٹی چارجزادا کیے گئے۔ کھادوں کے استعمال نہ ہونے سے فی ایکٹر پیدوارکم ہوگی۔ پاکستانی حکومت زراعت کیساتھ آخرکیا کرنا چاہتی ہے۔ ہم چاہتے ہیں غریب آدمی کو آٹا سستا ملنا چاہیے۔ انتالیس سوریٹ مقررکرکے ہمیں پچیس سو ریٹ ملا۔
صدرپاکستان کسان اتحاد نے کہا کہ حکومت نے زراعت پر توجہ نہیں دی، حکومت کی زراعت کیطرف توجہ نہیں ہے، حکومت نے کاشتکاروں کیساتھ مشاورت نہیں کی۔ اسمبلی میں اگر پاکستان کی بات نہیں ہونی تو اسے ختم کردیں۔ یہ ملک آئی پی پیز کے لیے نہیں بنا۔ بجلی کے بلوں سے ہماری راتوں کی نیندیں اڑ گئی ہیں۔
صدرپاکستان کسان اتحاد خالد کھوکھرنے مزید کہا کہ ہمارا بجلی کا ریٹ کیوں بڑھایا گیا؟ کسان کا جینا حرام ہوچکا ہے، کاشتکار کا جینا مرنا پاکستان کیساتھ ہے۔ یوریا کے مخلتف ریٹس ہیں کسی ملک میں ایسا نہیں ہوتا، یوریا کا ریٹ چونتیس سو سے زیادہ نہیں ہونا چاہیے۔
انھوں نے کہا کہ بجلی مہنگی ہونے سے ہزاروں ٹیوب ویلزکٹ چکے ہیں۔ اگلے سال گندم کے ڈپو بھی نہیں ہونگے۔ پلاٹ بند ہے اور پیمنٹ ہورہی ہے یہ کیسا کاروبار ہے۔ لوگ کاشتکاری چھوڑکر جارہے ہیں۔ حکومت کو کہتا ہوں خدا کا واسطہ زراعت کو بچاؤ۔
خالد کھوکھر نے مزید کہا کہ زراعت کو بھی تباہ کیا جارہا ہے، کاشتکار کو باعزت شہری سمجھا جائے، ہمیں زراعت پر پچیس سالہ پلان بنانا چاہیے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News