سابق وفاقی سیکریٹری پاور ڈویژن عرفان علی کا کہنا ہے کہ تباہ حال اداروں کی ریفارمز کریں ان کی نجکاری نہ کریں۔

بول نیوز کے پروگرام ’تبدیلی‘ میں معروف اینکر اور سینئیر تجزیہ نگار ڈاکٹر دانش کے ساتھ گفتگو میں سابق وفاقی سیکریٹری پاور ڈویژن کا کہنا تھا کہ ریفارمز کریں نجکاری نہ کریں۔

عرفان علی نے کہا کہ 1994 کی پاور پالیسی میں ورلڈ بینک کا پاکستان کی تاریخ میں کلیدی کردارہے۔

سابق وفاقی سیکریٹری پاور ڈویژن نے کہا کہ 1994 کی پالیسی میں انویسٹر کیلئے کوئی رسک نہیں تھا، ڈسٹری بیوشن میں خرابیاں دور کی جا سکتی ہیں۔

انہوں نے کہا کہ ہم ہر چیز کا حل نجکاری میں ڈھونڈتے ہیں، لیکن میں کہتا ہوں کہ ریفارمز کریں نجکاری نہ کریں۔

آئی پی پیزکو چارجز دینے ہیں چاہے بجلی لیں نہ لیں، ڈالر اوپر جائے گا تو لاگت اوپر جائے گی۔

انہوں نے کہا کہ 1994 کی آئی پی پیز کے لون حکومت نے ادا کر دیے ہیں۔

ہمیں اس وقت بجلی آئی پی پیز کی مدد سے مل رہی ہے، پیداواری لاگت کم کرنے کیلئے حکومت سبسڈی دیتی رہی، لیکن اب سبسڈی کا اسٹرکچر تبدیل کر دیا گیا ہے۔

سابق وفاقی سیکریٹری پاور ڈویژن کا مزید کہنا تھا کہ سبسڈی سےبرآمدات نہیں بڑھیں، ٹیرف کا لوڈ 2015 کے بعد کی آئی پی پیز کا ہے، جبکہ شوگر مل والوں نے بیگاس کے پلانٹ بنائے ہوئے ہیں۔