اسرائیلی دارالحکومت تل ابیب  پہ فضائی حملے میں  کم از کم  ایک شخص ہلاک  اور متعدد زخمی ہوگئے۔

اسرائیلی میڈیا کی رپورٹ کے مطابق جمعہ کی صبح وسطی تل ابیب میں ایک بڑا دھماکہ ہوا، جس سے ایک شخص ہلاک اور کم از کم 10 افراد زخمی ہوئے۔

دھماکہ  تل ابیب میں واقع غیر ملکی سفارتخانوں کےقریب ہوا۔

اسرائیلی  فوج نے کہا  ہےکہ وہ دھماکے کی نوعیت کا جائزہ لے رہے ہیں ، ابتدائی طور پر یہ فضائی حملہ معلوم ہوتا ہے۔ اس واقعے کے بعد فضائی گشت میں اضافہ کر دیا  گیاہے۔

فوری طور پر یہ واضح نہیں ہوسکا کہ اس حملے کے لیے اسرائیل کے فضائی دفاعی  نظام کو کیسے ناکارہ بنایا  گیااور اسرائیل اس کا جواب کیسے دے سکتا ہے۔