کراچی میں بارشوں کے باعث واٹر کارپوریشن کی مختلف سیوریج کی لائنیں دھنس گئیں۔ 

واٹر بورڈ حکام کا کہنا ہے کہ طارق روڈ میں 24 انچ کی سیوریج لائن 2 جگہوں سے دھنس گئی، گلستان جوہربلاک 5 میں 30 انچ کی لائنیں دھنس گئی۔

واٹربورڈ حکام کے مطابق گلستان جوہربلاک 15 میں 18 انچ کی لائنیں دھنس گئیں، سہراب گوٹھ میں 18 انچ کی لائن دھنس گئی۔

ترجمان واٹرکارپوریشن کا کہنا ہے کہ متاثرہ لائن کا کام آج رات سے شروع کیا جائے گا، مرمتی کام 24 گھنٹے میں مکمل کرلیا جائے گا۔ سی ای او واٹرکارپوریشن نے مرمتی کام جلد مکمل کرنے کی ہدایت جاری کی ہیں۔

دوسری جانب کراچی میں وقفے وقفے سے تیزہواؤں کا سلسلہ جاری ہے۔ محکمہ موسمیات کے مطابق شہرمیں 50 تا 55 کلومیٹرفی گھنٹہ کی رفتار سے ہوا چل رہی ہے۔

محکمہ موسمیات کا کہنا ہے کہ شہرمیں بوندا باندی کا سلسلہ وقفے وقفے سے جاری ہے، کراچی میں رات گئے بارش میں شدت آنے کا امکان ہے، تیزہواؤں کے جھکڑ سے شہرمیں متعدد درخت گرگئے، کلفٹن، ڈیفنس، عزیزآباد میں درخت گرے۔

تیزہواؤں کے باعث ٹاورکسٹم ہاؤس کے قریب درخت اکھڑ گیا۔ سندھ سیکریٹریٹ میں بھی ایک درخت گرگیا۔ 2 گاڑیوں اورموٹرسائیکل کونقصان پہنچا۔