اسلام آؓباد: وفاقی وزیر بجلی اویس لغاری کہتے ہیں کہ بجلی کا ٹیرف کم کرکے دکھائیں گے۔

وفاقی وزیر بجلی اویس لغاری نے میڈیا سے گفتگو کرتے ہوئے کہا کہ بجلی کی قیمتوں میں کمی کے لئے کام کررہے ہیں اور یہ نواز شریف کے منشور کا حصہ ہے۔

انہوں نے کہا کہ بجلی کا ٹیرف کم کرکے دکھائیں گے، ایم کیو ایم کو مکمل بریفنگ دی گئی ہے، تمام آئی پی پیز کا جائزہ لے رہے ہیں، کتنے ریٹائر کیے جائیں اس کا فیصلہ جلد ہوجائے گا۔

اویس لغاری کا کہنا تھا کہ گوہر اعجاز کی بات کسی کو سمجھ نہیں آنی، پیک لوڈ صرف 85 گھنٹے کے لئے ہوتا ہے اور اس پیک لوڈ کے باعث 49 ارب روپے کی کیپیسٹی پیمنٹس کرنا پڑتی ہیں۔

وفاقی وزیر بجلی کہتے ہیں کہ کیپیسٹی پیمنٹس کا مسئلہ گوہر اعجاز نہیں سمجھا سکے، 2018 کے بعد روپے کی قیمت گرنا اور شرح سود میں اضافہ کیپیسٹی پیمنٹس کی وجہ ہے۔

انہوں نے مزید کہا کہ اگر یوں نہ ہوتا تو کیپیسٹی پیمنٹس 8 روپے تک کم ہوتیں، چین کے ساتھ اچھی انڈر اسٹینڈنگ ہے۔