مصطفٰی کمال نے کہا ہے کہ پوائنٹ اسکورنگ کرنے سے مسائل حل نہیں ہوں گے، آئی ایم ایف کی تلوارہمارے سرپرہے۔

اسلام آباد میں وفاقی وزیر اطلاعات کے ہمراہ نیوز کانفرنس کرتے ہوئے ایم کیو ایم پاکستان کے رہنما مصطفٰی کمال نے کہا ہے کہ بجلی کے مسئلے پرہم نے کسی پرالزام نہیں لگایا، ہمارے ملک میں بہت سارے مسائل ہیں۔

یہ بھی پڑھیں؛ آئی پی پیز کے معاملے پر آواز اٹھانے پر ایم کیو ایم کا شکر گزار ہوں

مصطفیٰ کمال نے کہا کہ حکومت کے تمام اچھے اقدامات میں ساتھ ہیں، آئی پی پیزملک کی معیشت کےلیے زخم ہے، وزیراعظم کے سامنے ہم نےاپنا مؤقف پیش کیا۔

ایم کیو ایم پاکستان کے رہنما نے کہا کہ امید ہےعوام کوریلیف ملنے جا رہا ہے، تجاویزاورمشورے حکومت کو دیتے رہیں گے، آئی ایم ایف کی تلوارہمارے سرپرہے۔

مصطفیٰ کمال نے مزید کہا کہ چیلنجزکوسامنے رکھ کرعوام کوریلیف دیا جاسکتا ہے، پوائنٹ اسکورنگ کرنے سے مسائل حل نہیں ہوں گے۔