مانسہرہ: کاغان ڈویلپمنٹ اتھارٹی نے ناران میں پھنسے سیاحوں کا انحلاء شروع کردیا۔

بارشوں کے باعث تباہ ہونے والا مہانڈری پل کی تعمیر کا کام چوتھے روز بھی مکمل نہیں ہوسکا ہے، شاہراہ کاغان کی بندش کے باعث ناران میں غذائی قلت کا حدشہ پیدا ہوگیا ہے۔

وادی کاغان کے مشہور سیاحتی مقام ناران سے سیاحوں کو نکالنا شروع کردیا ہے، کاغان ڈویلپمنٹ اتھارٹی نے 450 سیاحوں کی گاڑیوں کو بابو سر ٹاپ کے راستہ سے نکال دیا ہے۔

کاغان ڈویلپمنٹ اتھارٹی کے ڈی جی شبیر خان کے مطابق جن سیاحوں کے پاس گاڑیاں نہیں انہیں مفت گاڑیاں بھی فراہم کی جارہی ہیں۔

ڈی جی شبیر خان کا کہنا ہے کہ کاغان ڈویلپمنٹ اتھارٹی کے اسٹاف نے سیاحوں کو قافلوں کی شکل میں نکالا، صبح چھ بجے 250 گاڑیوں اور اس کے بعد 200 گاڑیوں کا قافلہ نکالا ہے۔

انہوں نے مزید کہا کہ شاہراہ کاغان کی بندش کے بعد سیاحوں کو مفت رہائش اور کھانا دیا گیا، واپس جانے والے سیاح کاغان ڈویلپمنٹ اتھارٹی اور عوام کی مہمان نوازی سے خوش ہیں۔