وزیر دفاع خواجہ آصف کا کہنا ہے کہ دہشت گردوں کو بھارت سمیت دیگر قوتوں کی حمایت حاصل ہے۔

وزیر دفاع نے کہا کہ بلوچستان میں ایپکس کمیٹی کا اجلاس ہوگا، بلوچستان میں کئی دفعہ دوسرے صوبوں سے آنے والے لوگوں کو قتل کیا گیا۔

خواجہ آصف کا کہنا تھا کہ دہشت گردی کے ذریعے ہمیں کمزور کرنے کی کوشش کی جا رہی ہے، دہشت گردوں کو بھارت سمیت دیگر قوتوں کی حمایت حاصل ہے۔

انہوں نے کہا کہ پارلیمنٹ کا مشترکہ اجلاس 28 اگست کو نہیں اگلے ہفتے ہو گا، لاپتا افراد کے معاملے کو بعض لوگوں نے ذریعہ معاش بنا دیا ہے۔

انہوں نے کہا کہ بلوچستان میں فوجی آپریشن ہوئے ان واقعات کو جھٹلایا نہیں جا سکتا، اکبر بگٹی کی شہادت کے بعد بلوچستان میں حالات کافی بگڑے.

وزیر دفاع خواجہ آصف نے مزید کہا کہ بلوچستان کے لوگ ترقی کے سفر میں پیچھے رہ گئے اس میں دوسرے صوبوں کا قصور نہیں ہے، ان کے سارے لیڈرز بھارت، سوئزر لینڈ اور جرمنی میں بیٹھے ہیں۔