فیض حمید کےخلاف سپریم کورٹ کے احکامات کیا تھے؟ بول نیوزتفصیلات سامنے لے آیا۔

تفصیلات کے مطابق سپریم کورٹ نے ٹاپ سٹی کے مالک کنورمعیزکی درخواست پر8 نومبر2023 کوسماعت کی۔

حکم نامے میں کہا گیا کہ نجی سوسائٹی ٹاپ سٹی کےمالک نے فیض حمید پر7 الزامات عائد کیے، درخواست گزار کے مطابق فیض حمید نے گھرپرچھاپہ پڑوایا۔

سپریم کورٹ کے حکم نامے کے مطابق درخواست گزارکے مطابق انہیں اوراہلخانہ کوحراست میں رکھا گیا، درخواست گزارکے مطابق انہیں انکی جائیدادوں سےبھی محروم کیاگیا، درخواست گزارکے مطابق ٹاپ سٹی کی منتقلی کیلئےبھی دباؤ ڈالا گیا۔

حکم نامہ کے مطابق ایڈیشنل اٹارنی جنرل کے مطابق درخواست گزاروزارت دفاع سے رجوع کرسکتے ہیں۔ درخواست گزارکی جانب سےعائد الزامات سنگین نوعیت کے ہیں، الزامات درست ثابت ہوئے تو یہ ملک کیلئے بدنامی کا باعث ہونگے۔

عدالتی حکم نامے میں کہا گیا کہ ایڈیشنل اٹارنی جنرل نے یقین دہانی کرائی ہے، وزارت دفاع کودرخواست آئی تو سنجیدگی سے جائزہ لیا جائے گا، وزارت دفاع کودرخواست دی گئی توقانون کے مطابق جائزہ لیاجائے۔