امریکا کے سفارت خانے نے لبنان میں موجود امریکی شہریوں کو فوری طور پر ملک چھوڑنے کی ہدایت جاری کر دی ہے۔

لبنان میں امریکی سفارت خانے نے اپنے شہریوں کو فوری طور پر لبنان چھوڑنے کا حکم دیتے ہوئے کہا ہے کہ جو بھی دستیاب ٹکٹ ملے فلائٹ پکڑ لیں۔

 اماراتی میڈیا کے مطابق امریکی سفارت خانے نے شہریوں کو کہا ہے کہ وہ وہاں سے نکلنے کے لیے امریکی حکومت کی مدد کا انتظار نہ کریں۔

امریکی سفارتخانے کا مزید کہنا تھا کہ پروازوں کی معطلی یا منسوخی کی صورت میں دیگر تجارتی نقل و حمل دستیاب ہیں جن کو استعمال کیا جا سکتا ہے۔

واضح رہے کہ ایران میں اسماعیل ہنیہ کی شہادت کے بعد مشرق وسطیٰ میں کشیدگی مزید بڑھ چکی ہے، اسرائیل نے چند روز قبل بھی بیروت پر فضائی حملے میں حماس کے رہنما فواد شکری کو ہلاک کیا تھا۔