ترکیہ کی بحری افواج کے ایک وفد نے ترک چیف آف اسٹاف کی قیادت میں کراچی کا دورہ کیا۔

پاک فوج کے شعبہ تعلقات عامہ (آئی ایس پی آر) کے مطابق وفد کی قیادت ترک بحریہ کےچیف آف اسٹاف کر رہے تھے، ترک وفد نے کراچی میں پاک بحریہ کے فیلڈ کمانڈرز سے ملاقاتیں کیں۔

آئی ایس پی آر کے مطابق ملاقاتوں میں باہمی دلچسپی کے امور بشمول پیشہ وارانہ تعاون کے فروغ پر تبادلہ خیال کیا۔

ترک وفد نے مزار قائد پر حاضری دی اور فاتحہ خوانی کی، وفد نے بابائے قوم کو زبردست خراج عقیدت پیش کیا۔

پاکستان اورترکیہ بحریہ کے جہازوں نے بحری مشق میں حصہ لیا، مشق کے انعقاد سے مشترکہ آپریشنز میں تعاون کو فروغ ملے گا۔

آئی ایس پی آر کا مزید کہنا تھا کہ وفد کے دورے سے دونوں ممالک کے مابین تعلقات کو تقویت ملے گی۔