جماعت اسلامی کے رہنما فراست شاہ کا کہنا ہے کہ وفاقی حکومت کے ساتھ کل جو ڈیل ہوئی اس کی حفاظت کریں گے۔

بول نیوز کے پروگرام ’تجزیہ‘ میں سینئر اینکر پرسن ارباب جہانگیر کے ساتھ گفتگو میں فراست شاہ کا کہنا تھا کہ کل مذاکرات میں حکومت کے اہم وزرا موجود تھے۔

رہنما جماعت اسلامی کا کہنا تھا کہ وزرا نے کہا تھا وزیراعظم کی ہدایت کے مطابق سب کچھ ہو رہا ہے، وزیرداخلہ پہلے والی میٹنگ میں بھی موجود تھے لیکن چیزیں کلیئر نہیں تھیں۔

فراست شاہ نے کہا کہ کل جو چیزیں طے ہوئیں اس کا پہلے تصور تک نہیں تھا، حکومت نے جاگیرداروں پر ٹیکس لگانے کی آمادگی ظاہر کی ہے، جاگیرداروں پر ٹیکس صوبائی معاملہ ہے لیکن ہم نے بات کی۔

انہوں نے کہا کہ معاہدے میں یہ طے نہیں ہوا کہ فی یونٹ کتنے کم ہونگے لیکن طریقہ کار بتا دیا ہے، طے پایا کہ آئی پی پیز کی جانچ پڑتال کی جائے گی۔

جماعت اسلامی کے رہنما فراست شاہ نے مزید کہا کہ جانچ پڑتال سے جو پیسہ بچے گا وہ بجلی بلوں میں ریلیف کی شکل میں دیا جائے گا۔