شہر قائد کے مختلف علاقوں میں آج تیز ہواؤں کے ساتھ بارش کا سلسلہ جاری ہے۔

تفصیلات کے مطابق ایئرپورٹ، ملیر، شاہ لطیف ٹاؤن، پورٹ قاسم اور گلشن حدید میں بارش ہوئی، اسٹیل ٹاؤن،گلشن معمار،کورنگی اورلانڈھی میں بھی بارش ہوئی۔

ڈیفنس، قیوم آباد، بلوچ کالونی اور محمودآباد سمیت دیگرعلاقوں میں بھی تیزبارش ہوئی۔

ناظم آباد، نارتھ ناظم آباد اور لیاقت آباد میں بھی گرج چمک کے ساتھ بارش ہوئی جبکہ گرومندر، ایم اے جناح روڈ اور اطراف میں بھی تیز بارش ہوئی، ایف بی ایریا، شاہراہ پاکستان اوراطراف میں بھی بارش ہوئی۔

چیف میٹرولوجسٹ کا کہنا ہے کہ بارش کا سلسلہ کل صبح تک شدت اختیار کرے گا، کراچی شہر میں اربن فلڈنگ کا امکان ہے۔

چیف میٹرولوجسٹ سردار سرفراز کا مزید کہنا ہے کہ 30 اگست تک شہر میں گرج چمک کے ساتھ موسلادھار بارشیں ہونگی۔