عالمی سطح پر وبائی مرض منکی پاکس کے پھیلاؤ کے خطرہ کے پیش نظر این سی او سی کا ہونے والا اہم اجلاس ختم ہو گیا۔

منکی پاکس کے پھیلاؤ کے خطرے کے حوالے سے منعقدہ این سی او سی کے اہم اجلاس کی ڈائریکٹر جنرل ڈاکٹر شبانہ سلیم  نے صدارت کی۔

اجلاس میں صوبائی ڈی جیز اور این آئی ایچ حکام بھی شریک ہوئے۔

اجلاس میں ہوائی اڈوں پر نگرانی بڑھانے کیلئے بارڈ رہیلتھ سروسز کو مزید بہتر اور سخت بنانے کی ہدایات کی گئی۔

ذرائع کے مطابق ملک کے تمام صوبے منکی پاکس کی سہولیات کے حوالے سے اسپتالوں کو نامزد کریں گے۔

این سی او سی کے اجلاس میں منکی پاکس کے پھیلاؤ کے پیش نظر حکمت عملی وضع کرنے پر بھی زور دیا گیا۔

واضح رہے کہ منکی پاکس کا پہلا مریض کراچی کے ایک اسپتال میں زیر علاج ہے۔