پشاور؛ ایف آئی اے نے بڑی کارروائی کرتے ہوئے انسانی اسمگلنگ اورویزہ فراڈ میں ملوث ملزم کو گرفتارکرلیا۔

تفصیلات کے مطابق ایف آئی حکام نے غیر قانونی ریکروٹنگ ایجنسی کے دفتر پہ چھاپہ مارا۔ جاری کارروائیوں میں غیر رجسٹرڈ ریکروٹمنٹ ایجنسی کے دفتر پہ چھاپے کے دوران ملزم سید امیر شاہ کو گرفتارکیا گیا۔

ایف آئی اے کے مطابق ملزم کے قبضے سے 14 عدد پاکستانی پاسپورٹ برآمد ہوئے۔ ملزم شہریوں کو غیر قانونی طور پر بیرون ملک بھجوانے میں ملوث پایا گیا۔

ایف آئی اے کا کہنا ہے کہ ملزم سے پاسپورٹ برآمدگی کے علاوہ ویزہ پراسیس کے لیے استعمال ہونے والے دیگر شواہد بھی برآمد کرلیے گئے۔

ملزم سید امیرشاہ کی گرفتاری کے بعد تفتیش کا آغازکردیا گیا ہے۔