یوم آزادی کے حوالے اسلام آباد میں پولیس کی سیکیورٹی کے سخت انتظامات کیے گئے ہیں۔

ترجمان اسلام آباد پولیس کے مطابق 3 ہزار سے زائد پولیس افسران و جوان یوم آزادی والے دن ڈیوٹی کے فرائض سر انجام دیں گے۔

ٹریفک پولیس کے افسران و جوان بھی جشن آزادی پر ڈیوٹی کے فرائض سر انجام دیں گے۔

ترجمان پولیس کے مطابق یوم آزادی پر ون ویلنگ کی روک تھام کیلئے خصوصی پکٹس اور اسپشل اسکواڈ تشکیل دیا گیا ہے۔

سینئر افسران امن وامان اور ٹریفک کی روانی کو یقینی بنائیں گے۔

پارکس اور پبلک مقامات پر بھی خصوصی نفری تعینات کی گئی ہے، کمانڈوز اور ڈولفن فورس کے خصوصی اسکواڈ گشت کریں گے۔

ترجمان پولیس کے مطابق یوم آزادی کے دن ون ویلنگ اور ہوائی فائرنگ کی صورت میں سخت قانونی کارروائی کی جائے گی۔