پاکستان کے سابق کپتان وسیم اکرم نے پی سی بی کی جانب سے دو عہدوں کی پیشکش کو ٹھکرا دیا ہے۔

ذرائع کے مطابق سوئنگ کے سلطان وسیم اکرم کو چیئرمین پی سی بی کا مشیر یا چیف ایگزیکٹو آفیسر بننے کی پیشکش کی گئی تھی، مگر انہوں نے دونوں عہدوں کی پیشکش کو ٹھکرا دیا ہے۔

ذرائع کا کہنا ہے کہ وسیم اکرم نے اپنی کل وقتی ملازمت اور دیگر مصروفیات کے سبب عہدے قبول کرنے سے انکار کیا ہے۔

ذرائع کے مطابق وقار یونس کی تقرری وسیم اکرم کے انکار کے بعد کی گئی ہے۔

واضح رہے کہ پی سی بی چیئرمین محسن نقوی کے پاس وفاقی وزارت داخلہ کا بھی قلمدان ہے، اور انہیں وزارت کی وجہ سے تنقید کا سامنا کرنا پڑتا ہے۔