ایئر انڈیا کی پرواز میں بم کی اطلاع پر ایئرپورٹ پر ایمرجنسی کا اعلان کر دیا گیا۔

رپورٹ کے مطابق 135 مسافر لے کر جانے والے ایئر اینڈیا کے طیارے کو ترواننت پورم کے ہوائی اڈے پر لینڈنگ کے بعد ایئرپورٹ سے دور منتقل کیا گیا۔

ایئرپورٹ پر ایمرجنسی نافذ کر دی گئی تھی، اور فلائٹ آپریشن معطل کر دیا گیا تھا۔

سیکیورٹی حکام نے طیارے کو محاصرے میں لے کر مسافروں اور عملے کو طیارے سے نکالا اور بم ڈسپوزل اسکواڈ نے طیارے کی مکمل تلاشی لی۔

بم ڈسپوزل اسکواڈ کی جانب سے طیارے میں بم کی اطلاع کو جھوٹی قرار دیتے ہوئے طیارے کو کلیئر قرار دے دیا گیا، جس کے طیارہ اپنی منزل کی طرف روانہ ہو گیا۔

حکام نے ایئرپورٹ پر فلائٹ آپریشن بھی بحال کر دیا۔