امیر جماعت اسلامی پاکستان حافظ نعیم الرحمان حماس رہنما اسماعیل ہنیہ کے نماز جنازہ میں شرکت  کے لیے قطر پہنچ گئے۔

تفصیلات کے مطابق حافظ نعیم الرحمان کی غیر موجودگی میں لیاقت بلوچ کو قائم مقام امیر جماعت اسلامی مقرر کر دیا گیا ہے۔

قائم مقام امیر جماعت اسلامی لیاقت بلوچ کا کہنا ہے کہ امیر جماعت اسلامی حافظ نعیم الرحمان قطر تشریف لے گئے ہیں۔ اسماعیل ہنیہ کی شہادت کے بعد صیہونی قوتوں کو ایک مضبوط پیغام جانا چاہئیے۔

انہوں نے کہا کہ اسماعیل ہنیہ کو اسرائیلیوں نے ٹارگٹ کر کے شہید کیا۔

لیاقت بلوچ نے کہا کہ آج دھرنا دوسرے ہفتے میں داخل ہو گیا ہے، دھرنے کے شرکاء پرجوش ہیں۔   تمام طبقات کے لوگ دھرنے میں شامل ہیں جبکہ خواتین گھروں میں دعائیں کر رہی ہیں کہ دھرنے کے نتیجے میں عوام کو ریلیف ملے۔