برازیلین سپریم کورٹ نے عدالتی احکامات کے مطابق نئے قانونی نمائندے کا تقرر نہ کرنے پر پلیٹ فارم ایکس کی فوری بندش کا حکم دیا ہے۔

 برازیلین سپریم کورٹ نے سابق صدر کے زیر تفتیش حامیوں کے سوشل میڈیا اکاؤنٹس بند کرنے کا حکم دیا تھا۔

عدالت نے قرار دیا تھا کہ زیر تفتیش افراد کے سوشل میڈیا اکاؤنٹس اس وقت تک معطل رکھے جائیں جب تک وہ زیر تفتیش ہیں۔

برازیلین سپریم کورٹ نے قرار دیا تھا کہ زیر تفتیش افراد کے اکاؤنٹس بحال کیے گئے تو پلیٹ فارم ایکس کے قانونی نمائندوں کو ذمہ دار ٹھہرایا جائے گا۔

 پلیٹ فارم ایکس نے رواں ماہ کے آغاز میں ہی برازیل میں اپنے دفاتر بند کر دیے تھے۔

برازیلین سپریم کورٹ کے احکامات کے مطابق پلیٹ فارم ایکس عدالتی احکامات پر مکمل عمل درامد اور جرمانوں کی ادائیگی تک بند رکھا جائے۔