کراچی: پاکستان اسٹاک ایکسچینج میں مندی کا رجحان ریکارڈ کیا جارہا ہے۔

پاکستان اسٹاک ایکسچینج میں کاروبار کا اختتام ہوگیا ہے جب کہ ملک کی مجموعی صورت حال مشرق وسطیٰ میں جاری جنگ اور عالمی اسٹاک مارکیٹ میں گراوٹ کے باعث مقامی مارکیٹ میں مندی رہی۔

اسٹاک مارکیٹ ہنڈرڈانڈیکس میں 1141 پوائنٹس کی شدید مندی ہوئی، کے ایس ای 100 انڈیکس 78 ہزار کی سطح سے بھی نیچے آگیا اور 77 ہزار 84 پوائنٹس پر بند ہوا۔

دن بھر مجموعی طور پر 440 کمپنیوں کے حصص میں کاروبار ہوا، 129 کمپنیوں کے شیئرز کی قیمتوں میں اضافہ جب کہ 259 کے شیئرز میں کمی ہوئی۔

مارکیٹ میں 49 کروڑ 29 لاکھ سے زائد شیئرز کا لین دین ہوا، اسٹاک مارکیٹ میں 20 ارب 21 کروڑ سے زائد مالیت کے شیئرز کے سودے ہوئے۔

آج مارکیٹ کی بلند ترین سطح 78,330 جب کہ کم ترین سطح 76,943 پوائنٹس رہی۔