سندھ ہائی کورٹ نے رہائشی علاقےمیں کمرشل اسکول چلانے کیخلاف کیس،محکمہ تعلیم کے ڈائریکٹرجنرل ڈائریکٹوریٹ اینڈ انسپیکشن منصوب صدیقی کے وارنٹ گرفتاری جاری کردیے۔

سندھ ہائی کورٹ نےڈائریکٹر پلاننگ کے ڈی اے فرید شیخ فرید، ڈائریکٹر ماسٹر پلان ڈیپارٹمنٹ ولایت علی کے بھی وارنٹ جاری کردیے۔

عدالت نے تمام افسران کے ایک لاکھ روپے مالیت کے قابل ضمانت وارنٹ گرفتاری جاری کیے ہیں۔

سماعت کے دوران سندھ ہائی کورٹ نے ریمارکس دیے کہ عدالت کی جانب سے طلب کرنے کے باوجود تینوں افسران عدالت میں پیش نہیں ہوئے۔

عدالت نے کہا کہ متعلقہ ایس ایس پی تینوں افسران کے وارنٹ گرفتاری کی تعمیل یقینی بنائیں، تینوں افسران کے پیش نا ہونے پر وارنٹ گرفتاری جاری کیے گیے ہیں۔

سندھ ہائی کورٹ نے کہا کہ تینوں افسراں کی جانب سے غیر حاضری کا کوئی معقول جواز پیش نہیں کیا گیا ہے۔

پی ای سی ایچ ایس کے رہائشی علاقے میں پرائیوٹ اسکول کے خلاف درخواست زیر سماعت ہے۔ عدالت نے کیس کی مزید سماعت 3 ستمبر تک ملتوی کردی۔