عید میلاد النبی صلی اللہ علیہ وآلہ وسلم کے حوالے سے پارلیمنٹ میں خطاطی کی نمائش کل ہو گی۔

اسپیکر قومی اسمبلی سردار ایاز صادق کل 13 ستمبر بروز جمعہ صبح 10.30بجے رسول رحمتﷺ  خطاطی نمائش آج باقاعدہ افتتاح کریں گے۔

نمائش کا انعقاد ربیع الاول کے مبارک ماہ کی مناسبت سے اسپیکر سردار ایاز صادق کی خصوصی ہدایات پر عمل میں لایا جا رہا ہے۔

خطاطی نمائش میں 112 فن پارے نمائش کے لیے رکھے گئے ہیں، خطاطی کے یہ فن پارے معروف خطاط واصل شاہد نے تخلیق کئے ہیں، ان فن پاروں میں خاتم النبیین حضرت محمد مصطفی صلی اللہ علیہ والہ وسلم کے  اسماء اور قرآنی آیات شامل ہیں۔

بعد ازاں اسپیکر قومی اسمبلی سردار ایاز صادق قومی اسمبلی کی لائبریری میں سیرت محل کے نام سے مختص بک کارنر کا بھی افتتاح کریں گے۔

سیرت محل کارنر میں نبی پاک صلی اللہ علیہ والہ وسلم کی حیات طیبہ کے حوالے سے کتب رکھی گئی ہیں۔

تقریب میں ممبران پارلیمنٹ،  مختلف ممالک کے  سفراء سمیت دیگر معززین  کی بڑی تعداد شرکت کریں گے۔