پاسکو گندم اسکینڈل میں بے ضابطگیوں پر ایف آئی اے اینٹی کرپشن سرکل لاہور نے کارروائی کی۔

پر ایف آئی اے اینٹی کرپشن سرکل نے پاسکو کی گندم فروخت میں بڑے پیمانے پر بے ضابطگیوں پر مقدمہ درج کر کے سابق ایم ڈی پاسکو سعید احمد نواز سمیت 7 ملزمان کو گرفتار کر لیا۔

ترجمان ایف آئی اے کے مطابق جنرل منیجر کمرشل شاہد ابراہیم اور جنرل منیجر کمرشل عمران نذیر کو گرفتار کر لیا گیا جبکہ زونل  ہیڈ افتخارالدین،  خریدار محمد سعید اور ناصر علی کو بھی گرفتار کر لیا گیا ہے۔

وزیر اعظم انسپکشن کمیشن نے سیلاب سے متاثرہ گندم  کے ٹینڈرز میں تحقیقات کا ٹاسک  ایف آئی اے کو دیا تھا۔

واضح رہے کہ سیلاب سے 2022 میں سندھ اور بلوچستان میں پاسکو کی 40 ہزار میٹر ک ٹن گندم  متاثر ہوئی تھی، پاسکو نے سیلاب سے متاثرہ  گندم  کی فروخت کیلئے جون 2023 میں ٹینڈر جاری کیا تھا۔

شرائط کے بر عکس ٹینڈر میں خریداروں کو 10فیصد پر فارمنس گارنٹی کی مد میں غیر قانونی رعایت دی ان شرائط میں ردوبدل سے صرف 39ملین روپے سرکاری خزانے میں جمع ہوئے۔

ایف آئی اے کے ترجمان کا کہنا تھا کہ رولز کے مطابق 276 ملین  روپے سرکاری خزانے میں جمع ہونے تھے۔

ترجمان ایف آئی اے کا مزید کہنا تھا کہ ملزمان نے سرکاری خزانے کو تقریباً 236 ملین روپے کا نقصان پہنچایا۔