کراچی کی مختلف اہم شاہراہوں پر بدترین ٹریف جام کی وجہ سے شہریوں کو شدید مشکلات کا سامنا کرنا پڑ رہا ہے۔

کراچی کے علاقے ماڑی پور، لیاری، صدر، میٹروپول اور شارع فیصل پر ٹریفک کا دباؤ بڑھ گیا ہے، کلفٹن، ڈیفنس اور اطراف کی شاہراہوں پرگاڑیوں کی طویل قطاریں لگ گئیں ہیں۔

شہید ملت روڈ، آئی آئی چندریگر روڈ، ایم اے جناح روڈ اور نمائش پربھی بدترین ٹریفک جام ہے۔

ٹریفک پولیس کا کہنا ہے کہ آئی سی آئی پل پر 22 ویلر ٹریلرخراب ہونے سے ٹریفک جام ہوا ہے۔

ٹریفک پولیس کے مطابق قائدآباد سے ایئرپورٹ جانے والی شاہراہ پر بھی ٹریفک جام ہے جبکہ ملیر پل کے قریب سڑک پر گڑھے پڑنے سے ٹریفک کی روانی متاثر ہو رہی ہے۔

تین ہٹی سے لیاقت آباد کی سڑک پر ترقیاتی کام کے باعث ٹریفک جام ہے۔