سربراہ جمیعت علماء اسلام مولانا فضل الرحمن کا کہنا ہے کہ مجھے میسجز آتے ہیں کہ آئینی ترمیم کی حمایت نہیں کرنی ہے۔

ملتان آرٹس کونسل میں تحفظ ناموس رسالت کانفرنس سے خطاب کرتے ہوئے مولانا فضل الرحمن نے کہا ہمارے ملک میں لا دینیت فحاشی دندنا رہی ہے۔

انہوں نے کہا کہ اگر پاکستان کو مستحکم بنانا ہے تو دین اسلام کے اصولوں کو اپنانا ہوگا۔,ہم تو مکہ اور مدینہ کی بجائے امریکہ اور برطانیہ کو دیکھتے ہیں۔

سربراہ جمیعت علماء اسلام کا کہنا تھا کہ سیاست مشکل چیز ہے آسان راستہ نہیں ہے,عالمی قوتوں سے قوم کو أزاد کرانا ہوگا,قوم کی غربت اور بھوک کو ختم کرنا ہوگا,یتیم مسکین غریب طبقے کو خوشحال کرنا ہے۔

ان کا کہنا تھا کہ آزمائشیں جابر حکمرانوں کیجانب سے آتی ہیں نہ کے عام بندے کیطرف سے,جابر حکمران کے سامنے حق کی بات کرنا صحیح معنوں میں حق کی بات کہلائے گی۔

مولانا فضل الرحمان نے کہا قوم کو صحیح راستہ دکھانے کے لیے نکلنا ہوگا,ہم نے آئینی مسودہ پڑھ کر نہیں مانا عوام نے تو پڑھا ہی نہیں ہے۔

سربراہ جمیعت علمائے اسلام مولانا فضل الرحمن نے مزید کہا کہ ہمیں مسیجز آتے ہیں کہ مسودہ کی حمایت نہیں کرنی,اگر ہم پارلمینٹ میں ہیں تو عوام کآ تحفظ کرنا ہم پر فرض ہے۔