وزیر خزانہ محمد اورنگزیب سے گلوبل کمپنی ایف ایل ایس مڈتھ کے سی ای او نے ملاقات کی۔

ملاقات میں ڈنمارک کے سفیراور فنانس ڈویژن کے سینئر حکام بھی شریک تھے۔

ملاقات میں پاکستان میں سرمایہ کاری کے مواقع پر تبادلہ خیال، کیا گیا، ایس ایل مڈتھ کان کنی اور سیمنٹ کی صنعتوں کو آلات فراہم کرتی ہے۔

وزیرخزانہ نے کمپنی کے سی ای او کو توانائی کے شعبے میں جاری اہم اصلاحات سے آگاہ کیا اور ایس ای اوز کی نجکاری اور ٹیکس سسٹم کی تنظیم نو کے بارے میں بھی بتایا۔

وزیرخزانہ محمد اورنگزیب نے نجی شعبے کو سہولیات دینے کے حکومتی عزم پر زور دیا اور کہا کہ کاروبار کے لیے سازگار ماحول پیدا کرنے پر توجہ دے رہے ہیں۔

ان کا کہنا تھا کہ اسٹیٹس کو کی مزاحمت کے باوجود تبدیلی کا ایجنڈا لیکر بڑھ رہے ہیں۔

اس موقع پر ایف ایل ایس مڈتھ  کے سی ای او میکو کیٹو نے پاکستان کی طرف سے ملنے والے تعاون کو سراہا، میکو کیٹو نے کان کنی کے شعبے میں اپنی سرمایہ کاری پر روشنی ڈالی۔

ان کا کہنا تھا کہ کان کنی کی وجہ سے مقامی ویلیو ایڈیشن میں اضافہ ہوا، ٹیکس میں اضافہ، مزید روزگار کے مواقع پیدا ہوئے ہیں۔

میکو کیٹو کا مزید کہنا تھا کہ ہم پاکستان میں کان کنی کی صلاحیت کو خوب سمجھتے ہیں، ہم یہاں سرمایہ کاری کے مزید مواقع تلاش کرنے کے خواہاں ہیں۔

وزیر خزانہ محمد اورنگزیب نے کہا کہ سرمایہ کاروں کے لئے سازگار ماحول فراہم کرنے کیلئے پُرعزم ہیں۔