مالی کے دارالحکومت میں عسکریت پسندوں کے حملوں میں 70 سے زائد افراد ہلاک اور 200 سے زائد زخمی ہو گئے ہیں۔

مالی کے دارالحکومت باماکو میں عسکریت پسندوں نے فوجی پولیس کے تربیتی کیمپ اور ایک فوجی ہوائی اڈے کو نشانہ بنایا جس کے نتیجے میں 70 سے زائد افراد ہلاک اور 200 سے زائد زخمی ہو گئے۔

ایک سکیورٹی ذرائع نے نام ظاہر نہ کرنے کی شرط پر خبر رساں ادارے کو بتایا کہ باماکو میں منگل کو ہونے والے حملوں میں 77 افراد ہلاک اور 255 زخمی ہوئے ہیں۔

ایک مصدقہ خفیہ سرکاری دستاویز کے مطابق مرنے والوں کی تعداد 100 کے لگ بھگ ہے۔

جمعرات کے روز مالی کے ایک خبار نے اپنے ایڈیشن میں بتایا گیا ہے کہ ملٹری پولیس کے تقریبا 50 طالب علموں کی آخری رسومات ادا کی جائیں گی۔

مالی کی فوج کی زیر قیادت حکام نے اب تک ان حملوں میں ہلاک ہونے والوں کی درست تعداد جاری نہیں کی ہے جس کی ذمہ داری القاعدہ سے منسلک عسکریت پسند گروپ جے این آئی ایم نے قبول کی ہے۔

ماہرین کا کہنا ہے کہ یہ حملہ برسوں میں اپنی نوعیت کا پہلا حملہ تھا اور اس سے حکمراں جماعت کو زبردست دھچکا لگا ہے۔