محکمہ موسمیات کے مطابق بلوچستان کے بیشتر اضلاع میں شدید آندھی چلنے اور گرج چمک کے ساتھ مزید بارش کا امکان ہے۔ 

محکمہ موسمیات کا کہنا ہے کہ ژوب، موسیٰ خیل، شیرانی، بارکھان اورلورالائی میں موسلا دھار بارش کا امکان ہے۔ کوہلو، سبی، کوئٹہ، قلعہ سیف اللہ، پشین اور زیارت میں چند مقامات پر بارش موسلا دار بارش کا امکان ہے۔

محکمہ موسمیات کا کہنا ہے کہ کوئٹہ میں زیادہ سے زیادہ درجہ حرارت 32 اور قلات میں 29 ڈگری سینٹی گریڈ ریکارڈ کیا گیا ہے۔  ژوب میں زیادہ سے زیادہ درجہ حرارت 25 اور زیارت میں 23 ڈگری سینٹی گریڈ ریکارڈ ہوا۔

محکمہ موسمیات کے مطابق سبی میں زیادہ سے زیادہ درجہ حرارت 38 اور تربت 40 ڈگری سینٹی گریڈ ریکارڈ کیا گیا۔ نوکنڈی میں زیادہ سے زیادہ درجہ حرارت 41 اور چمن میں 32 ڈگری سینٹی گریڈ ریکارڈ ہوا۔

محکمہ موسمیات کا کہنا ہے کہ گوادر میں زیادہ سے زیادہ درجہ حرارت 33 اور جیونی میں درجہ حرارت 32 ڈگری سینٹی گریڈ ریکارڈ کیا گیا۔