پی ٹی آئی نے راولپنڈی لیاقت باغ میں احتجاج کے حوالے سے حکمت عملی ترتیب دے دی ہے۔

ذرائع کے مطابق وزیر اعلیٰ علی امین گنڈا پور  احتجاج کی قیادت کرینگے، وزیراعلی کے پی علی امین گنڈا پور بھی راولپنڈی احتجاج میں شرکت کریں گے۔

ذرائع کے مطابق اسلام آباد سے پی ٹی آئی قیادت قافلوں کی صورت میں لیاقت باغ جائے گی، پی ٹی آئی کی کارکنان کو 2 بجے لیاقت باغ پہنچنے کی ہدایت کی گئی ہے۔

قیادت نے ہدایت کی ہے کہ پی ٹی آئی کارکنان ٹولیوں کی صورت میں لیاقت باغ پہنچیں اور راستوں کی بندش کی صورت میں جو جہاں تک پہنچے گا وہیں احتجاج ہو گا۔

راولپنڈی، اسلام آباد، شمالی پنجاب اور کے پی سے قافلے راولپنڈی آئیں گے، گرفتاریوں کی صورت میں انصاف لائرز فورم قانونی معاونت دیگا، وکلاء کو خصوصی طور پر ہدایات جاری کردی گئیں ہیں۔

ذرائع کے مطابق پی ٹی آئی کی مقامی قیادت کو راستوں کی بندش کی صورت میں متبادل راستوں کا پلان بنانے کی بھی ہدایت کی گئی ہے۔