سندھ کے صوبائی وزیر ثقافت و سیاحت سید ذوالفقار علی شاہ کا کہنا ہے کہ خوجا کمیونٹی کی ملک کیلیے بڑی خدمات ہیں۔

کراچی میں خوجا کمیونٹی کی تاریخ اور روایت کی مناسبت سے ایک تقریب منعقد کی گئی جس میں سندھ کے صوبائی وزیر ثقافت و سیاحت سید ذوالفقار علی شاہ نے بطور مہمان خصوصی شرکت کی۔

تقریب سے مہمان خصوصی صوبائی وزیر ثقافت و سیاحت سید ذوالفقار علی شاہ نے خطاب کیا اور کہا کہ خوجا کمیونٹی کی ملک کے لیے بڑی خدمات ہیں۔

انہوں نے کہا کہ خوجا کمیونٹی ملکی معیشت کو بہتر بنانے کیلئے اہم کردار ادا کرتے ہیں، خوجا کمیونٹی کی تاریخ 800 سال پہلے کی ہے۔

صوبائی وزیر نے کہا کہ خوجا کمیونٹی کی روایت ثقافت شاندار ماضی رکھتی ہے، سندھ حکومت ہمیشہ آپ کی سپورٹ کیلئے موجود ہے۔

سندھ کے صوبائی وزیر ثقافت و سیاحت سید ذوالفقار علی شاہ  نے مزید کہا کہ پرنس آغا کریم کے سندھ حکومت سے اچھے تعلقات ہیں، ہیریٹیج پلیسز کو پروموٹ کرنے کیلئے ہم کام کر رہے ہیں۔