سربراہ جے یو آئی مولانا فضل الرحمان کراچی میں بلاول ہاؤس پہنچ گئے۔

مولانا فضل الرحمان نے چیئرمین بلاول بھٹو زرداری سے ملاقات کی، دونوں رہنماؤں کے درمیان ملکی سیکی امور پر تبادلہ خیال کیا گیا۔

دونوں رہنماؤں کے درمیان مجوزہ 26 ویں آئینی ترمیم پر بھی بات چیت ہوئی۔

دونوں رہنماؤں نے اتفاق کیا کہ ایس سی او سمٹ خوش آئند ہے اور خطے کے استحکام میں معاون ہو گی۔

ملاقات کے دوران پیپلز پارٹی کے وفد میں فریال تالپور، نثارکھوڑو اور وزیراعلیٰ مراد علی شاہ شامل تھے، جبکہ شازیہ مری، نوید قمر اور مرتضیٰ وہاب بھی شامل تھے۔

جے یو آئی کے وفد میں مولانا اسد محمود ، مولانا ضیا الرحمان  اور راشد محمود شامل تھے، جبکہ ناصر محمود، کامران مرتضیٰ اور مفتی ابرار بھی جے یو آئی کے وفد میں شامل تھے۔

مولانا اسجد محمود، مولانا عبید الرحمان، عثمان بادینی بھی جے یو آئی وفد میں شامل تھے۔