بھارت کی ریاست راجھستان میں ہندؤں کے مقدس جانور گائے کو ’آوارہ‘ کہنے پر پابندی عائد کر دی گئی ہے۔

بھارتی میڈیا کے مطابق بھارتی ریاست راجھستان کے مویشی و گائے پالنے کے ویزر جورا رام کماوت نے گائے کو آوارہ کہنے پر پابندی عائد کرنے کا حکم جاری کر دیا ہے۔

راجھستان سے قبل بھارت کی دیگر ریاستوں میں بھی ’گائے رکھشا‘ کے نام پر انتہا پسند ہندؤں کی جانب سے مطالبات سامنے آئے تھے، جس کے بعد مہاراشٹر کی حکومت نے بھی گائے کو ریاستی ماں کا درجہ دے دیا ہے۔

بھارتی ریاستوں کی جانب سے گائے رکھشا کے نام پر نئے قوانین بنانے کی وجہ سے مسلمانوں میں سخت تشویش پائی جاتی ہے، گائے رکھشا کے نام پر انتہا پسند اکثر مسلمانوں کو نشانہ بناتے ہیں اور انسانیت سوز تشدد کرتے ہیں۔