ترجمان کے مطابق وزیراعلیٰ سندھ سید مراد علی شاہ نے فلسطین اورلبنان کی سرزمین پر بے گناہ افراد کے قتل عام پرافسوس کا اظہار کیا ہے۔

ترجمان کی جانب سے جاری بیان کے مطابق وزیراعلٰی سندھ  سید مراد علی شاہ نے کہا کہ فلسطین جنگ کو ایک سال ہونےکو ہے، اب تک ہزاروں بے گناہ بچوں، خواتین و افراد کی جانیں جا چکی ہیں۔

مراد علی شاہ نے بیان میں کہا کہ جنگ کسی صورتحال امن قائم کرنے کا ذریعہ نہیں بن سکتا، عالمی قوتیں جنگ بندی میں اپنا مؤثر کردار ادا کریں۔

وزیراعلٰی سندھ نے کہا کہ انسان کا تعلق خواہ کسی بھی مذہب سے ہو، اس کا قتل عظیم گناہ ہے۔ یہ جنگ جتنی جلدی ختم ہوجائے، دنیا کے لیے بہتر ہے۔

انھوں نے بیان میں کہا کہ اس جنگ کے نتائج پوری دنیا کے لیے ہولناک ثابت ہوسکتے ہیں، اقوام متحدہ کا قیام اسی مقصد کے لیے ہوا ہے کہ وہ قوموں کے درمیان تصفیہ کرائے۔

وزیراعلٰی سندھ سید مراد علی شاہ نے مزید کہا کہ دنیا کی خوبصورتی جنگ میں نہیں، امن سے ہے۔