اسرائیلی میڈیا کا کہنا ہے کہ اسرائیل کے مختلف علاقوں میں نامعلوم افراد کی فائرنگ سے 10 افراد ہلاک ہو گئے ہیں۔

اسرائیلی میڈیا کے مطابق پولیس نے تل ابیب کے علاقے جافا میں 4 افراد کے ہلاک ہونے کی تصدیق کر دی ہے۔

اسرائیلی پولیس کا کہنا ہے کہ فائرنگ میں ملوث 2 مسلح افراد کو مار دیا گیا ہے۔

کشیدہ صورتحال کے باعث اسرائیل اوراردن میں فلائٹ آپریشن معطل کر دیا گیا ہے۔

مسلح افراد کی فائرنگ کے بعد علاقے میں شدید خوف و ہراس پھیل گیا ہے، حکام نے شہریوں کو گھر میں رہنے کا حکم دے دیا ہے۔

خبر رساں ادارے کے مطابق اسرائیل کے مختلف شہروں میں ہائی الرٹ جاری کر دیا گیا ہے، اور پولیس کو مشکوک افراد پر نظر رکھنے کا کہا گیا ہے۔