چیف جسٹس پاکستان کی تقرری کے معاملے پر اسپیکرنے پارلیمانی لیڈرزسے پارلیمانی کمیٹی کیلئے نام مانگ لیے۔

تفصیلات کے مطابق چیف جسٹس آف پاکستان کی تقرری کے معاملے پرپارلیمانی کمیٹی کی تشکیل کاعمل شروع ہوگیا۔ اسپیکرقومی اسمبلی سردار ایاز صادق نے پارلیمانی لیڈرزسے پارلیمانی کمیٹی کیلئے نام مانگ لیے۔

پارلیمانی کمیٹی میں 8 ارکان قومی اسمبلی، 4 سینیٹرزہوں گے۔ پارلیمانی کمیٹی دوتہائی اکثریت سے چیف جسٹس کاچناؤکرے گی۔

وزارت قانون سے 3 سینئرججزکے نام مانگے جائیں گے۔ سپریم کورٹ کے 3 سینئرججز کے پینل سے ایک کو چیف جسٹس بنایا جائے گا۔

واضح رہے کہ 26 ویں آئینی ترمیم پرصدرمملکت آصف علی زرداری نے دستخط کر دیے۔ صدرمملکت کے دستخط کے بعد آئینی ترمیم کا گزٹ نوٹفکیشن جاری کردیا گیا۔

گیزٹ نوٹیفکیشن کے ذریعے 26 ویں آئینی ترمیم نافذ ہوگئی، آئینی ترمیم کے مطابق نئے چیف جسٹس کا تقرر پارلیمانی کمیٹی کے ذریعے ہوگا۔

26 ویں آئینی ترمیم باضابطہ طورپرایکٹ بن گئی، 26ویں آئینی ترمیم کوقومی اسمبلی وسینیٹ کے ریکارڈکاحصہ بنا دیا گیا۔