گورنر سندھ کامران خان ٹیسوری سے سویڈن کی نئی تعینات سفیر الیگزینڈرابرگ وون لنڈے نے ملاقات کی۔

ملاقات میں دوطرفہ تعلقات،سرمایہ کاری اورتجارت میں اضافے پر تبادلہ خیال ہوا اور باہمی دلچسپی کے دیگر امور پر بھی تبادلہ خیال کیا گیا۔

گورنرسندھ نے سویڈن سفیرکی پاکستان میں تعیناتی پر مبارکباد دی اور ان کے لیے نیک خواہشات کا اظہار کیا۔

اس موقع پر گورنر سندھ نے کہا کہ پاک سویڈن دوطرفہ تعلقات مزید مستحکم ہو رہے ہیں، سویڈن کے سرمایہ کار صوبے میں سرمایہ کاری کریں۔

انہوں نے کہا کہ صوبے کے پُرکشش شعبے اور نوجوان افرادی قوت اہم ثابت ہو گی۔

سویڈن کی سفیر نے کہا کہ سرمایہ کار مختلف شعبوں میں دلچسپی رکھتے ہیں۔

سویڈن سفیر نے قائداعظم کے تاریخی کمرے میں رکھی گئیں اشیاء کا جائزہ لیا، اور گورنر ہاﺅس میں شجر کاری مہم کے تحت پودا لگایا۔

سویڈن کی سفیر نے مہمانوں کی کتاب میں تاثرات بھی تحریرکیے، انہوں نے اُمید کی گھنٹی بجا کر خوشگوار حیرت کا اظہار کیا۔

سویڈن کی سفیر نے کہا کہ اُمید کی گھنٹی سے مسائل میں نمایاں کمی آئے گی اور اس اقدام سے نوجوانوں کا تابناک مستقبل یقینی ہے۔