غزہ کے سرکاری میڈیا کے مطابق 7 اکتوبر 2023 سے اسرائیلی حملوں میں شہید فلسطینیوں کی تعداد 43 ہزار 972 ہو چکی ہے۔

اسرائیلی حملوں سے اب تک تقریباً 17 ہزار 500 بچے شہید ہو چکے ہیں، غزہ میں نسل کشی کے دوران 211 نوزائیدہ بچے شہید ہو گئے ہیں۔

سرکاری میڈیا کے مطابق حملوں میں ایک سال سے کم عمر 825 بچے شہید ہو چکے ہیں۔

اسرائیل کی وحشیانہ کارروائیوں میں 70 فیصد خواتین، بچے متاثر ہوئے، اور ایک سال کے دوران 35 ہزار 60 بچے یتیم ہوئے۔

اس وقت غزہ میں 3500 بچےغذائی قلت کا شکار ہیں۔

عرب میڈیا کے مطابق مغربی کنارے کےعلاقے جنین میں اسرائیلی فوج کی فائرنگ سے 3 فلسطینی شہید ہو گئے ہیں جبکہ مغربی کنارے میں اسرائیلی فوج نے درجنوں گھر اور دکانیں مسمار کر دیں ہیں۔