وزیر اعلیٰ گلگت بلتستان حاجی گلبر خان نے کہا ہے کہ صوبے میں ملکی اور غیر ملکی کمپنیوں کو ٹھیکے دینے کے حوالے سے جلد فیصلہ کر لیا جائے گا۔

وزیر اعلیٰ نے کہا کہ چین مشرق وسطی سمیت دیگر ممالک کی ہزاروں درخواستیں گولڈ اور مائننگ کے لئیے آئی ہیں۔

مائننگ کے ٹھیکے دینے سے ملک کو بڑی تعداد میں زرمبادلہ حاصل ہوگا، گلگت بلتستان میں ہزاروں میگا واٹ بجلی پیدا کرنے کی صلاحیت ہے۔

وزیر اعلیٰ حاجی گلبر خان نے کہا کہ واپڈا اور دیگر اسٹڈی کے مطابق 80 ہزار میگاواٹ بجلی پیدا کرنے کی صلاحیت ہے۔

ان کا کہنا تھا کہ لینڈ ریفارمرز کر لی گئیں اب سرمایہ کاروں کو زمین کا انتقال ہوسکتا ہے، سرمایہ کار اب زمین حاصل کرکے ہوٹل ریسثورنٹس اور دیگر سرمایہ کاری کرسکتے ہیں۔

ان کا کہنا تھا کہ انڈسٹریل زون بنانے کا عمل زیر تجویز ہے، گلگت بلتستان میں انکم ٹیکس اور سیلز نہیں ہے۔

وزیر اعلیٰ گلگت بلتستان حاجی گلبر خان نے مزید کہا کہ کمرشل صارف کو بجلی 14 روہے یونٹ جبکہ گھریلو صارف کو 4 روہے بجلی دے رہے ہیں۔