لاہور؛ محکمہ پرائمری اینڈ سیکنڈری ہیلتھ کیئرنے پنجاب بھرمیں ڈینگی کے اعدادو شمار جاری کردیے۔

ترجمان محکمہ صحت کے مطابق گزشتہ چوبیس گھنٹوں میں صوبہ میں ڈینگی کے 79 کیسزرپورٹ ہوئے۔ رواں سال اب تک 6838 ڈینگی کے کیسز رپورٹ ہوئے۔

ترجمان محکمہ صحت نے کہا کہ گزشتہ چوبیس گھنٹوں میں راولپنڈی سے 65، چکوال سے 04 ڈینگی کے کیس رپورٹ ہوئے۔ سیالکوٹ سے 02 ڈینگی کیس رپورٹ ہوئے۔

لاہور، اٹک،  فیصل آباد، ساہیوال، قصور، چنیوٹ ، گجرات اوراوکاڑہ سے ایک ایک کیس رپورٹ ہوا۔

ترجمان محکمہ صحت کے مطابق محکمہ صحت نے انسداد ڈینگی کے لئے تمام انتظامات مکمل کر رکھے ہیں، تمام سرکاری اسپتالوں میں ڈینگی سمیت دیگر ادویات کا سٹاک موجود ہے۔