چین کی پیپلز لبریشن آرمی کے کمانڈر جنرل لی ژیاؤ منگ نے چیف آف جنرل اسٹاف لیفٹیننٹ جنرل محمد اویس دستگیر سے ملاقات کی۔

پاک فوج کے شعبہ تعلقات عامہ (آئی ایس پی آر) کے مطابق ملاقات میں دو طرفہ عسکری تعاون سے متعلق تبادلہ خیال کیا گیا۔

لیفٹیننٹ جنرل محمد اویس دستگیر نے اس موقع پر چینی شہریوں کی ہلاکت پر افسوس کا اظہار کیا اور کہا کہ چینی شہریوں کی سلامتی یقینی بنائیں گے۔

چینی فوج کے کمانڈر جنرل لی ژیاؤ منگ  نے سیکیورٹی میں اضافے کیلئے پاک فوج کےاقدامات کو سراہا اور پاکستان کیلیے مکمل حمایت کا اعادہ کیا۔

آئی ایس پی آر کے مطابق پاک چین عسکری قیادت نے دشمنوں کےخلاف دوطرفہ تعاون کو فروغ دینے پر اتفاق کیا گیا۔

پاک چین عسکری قیادت نے خطے میں امن کیلئے مل کر کام کرنے کے عزم کا اعادہ کیا۔

آئی ایس پی آر کا مزید کہنا تھا کہ ملاقات میں دفاع کے شعبے سے متعلق دیگر امور پر بھی تبادلہ خیال کیا گیا۔