صوبائی وزیر ناصر حسین شاہ نے میڈیا سے بات کرتے ہوئے پی ٹی آئی کو شدید تنقید کا نشانہ بنایا۔

انہوں نے کہا کہ پی ٹی آئی ہمیشہ توڑ پھوڑ اور انتشار کی سیاست کرتی ہے اور اس کا ٹریک ریکارڈ جلاؤ گھیراؤ کے واقعات سے بھرا ہوا ہے۔

ناصر حسین شاہ نے مزید کہا کہ بانی پی ٹی آئی عمران خان “این آر او” چاہتے ہیں اور ان کے خلاف مقدمات کی بجائے پی ٹی آئی کے رہنما اپنی سیاست کر رہے ہیں۔

صوبائی وزیر نے یہ بھی کہا کہ بانی پی ٹی آئی کی رہائی صرف عدالتوں کے ذریعے ممکن ہو سکتی ہے، اور ان کو 9 مئی کے واقعات پر عوام سے معافی مانگنی چاہیے۔

انہوں نے سوال اٹھایا کہ پی ٹی آئی احتجاج کی کال ایسے وقت میں کیوں دیتی ہے جب عالمی شخصیات پاکستان کا دورہ کر رہی ہوں۔ ناصر حسین شاہ نے پی ٹی آئی سے درخواست کی کہ وہ امن کے راستے پر آئیں اور شدت پسندی کو چھوڑ دیں تاکہ ملک میں امن قائم ہو سکے۔