وزیراعلیٰ سندھ سید مراد علی شاہ  نے شمالی وزیرستان میں دہشتگردوں کے خلاف کامیاب آپریشن پر پاک فوج کو مبارکباد دی۔

وزیر اعلیٰ نے کہا کہ پاک فوج کی ماہرانہ صلاحیتوں اور بہادری   کے جذبے سے  دہشتگرد عناصر کمزور ہوچکے ہیں۔

انہوں نے کہا کہ ملک دشمن عناصر خوف زدہ ہیں، ہماری بہادر سیکیورٹی فورسز نے 6 دہشتگرد وں کو جہنم واصل کر دیا۔

انہوں نے کہا کہ دہشتگردوں کو کسی صورت پنپنے نہیں دیں گے، دہشتگردی کے خاتمے کے لیے  ہم نے بڑی قربانیاں دی ہیں۔

وزیر اعلیٰ سندھ مراد علی شاہ نے مزید کہا کہ قوم کی دعائیں پاک فوج کے ساتھ ہیں اور کامیابی ہمارا مقدر ہے۔