کراچی شہر کے مختلف علاقوں میں ٹریفک حادثات کے نتیجے میں تین افراد جاں بحق ہوگئے، جبکہ دو افراد شدید زخمی ہوگئے۔

ریسکیو حکام کے مطابق، حادثات کا سلسلہ آج صبح سے جاری ہے۔

پہلا حادثہ گھگھر پھاٹک لنک روڈ پر پیش آیا جہاں ایک نامعلوم گاڑی کی ٹکر سے دو موٹرسائیکل سوار جاں بحق ہو گئے۔

ریسکیو ٹیموں نے فوراً پہنچ کر لاشوں کو جناح اسپتال منتقل کیا۔

دوسرا واقعہ شیر شاہ پل پر پیش آیا جہاں ایک موٹرسائیکل سوار کو نامعلوم گاڑی نے ٹکر مار دی، جس کے نتیجے میں وہ موقع پر ہی جاں بحق ہو گیا۔

اس کی لاش سول اسپتال منتقل کی گئی، تاہم اس کی شناخت ابھی تک نہیں ہو سکی۔

آج صبح سے اب تک ہونے والے مختلف حادثات میں جاں بحق ہونے والوں کی تعداد پانچ ہوگئی ہے، اور ریسکیو حکام نے زخمیوں کو فوری طور پر اسپتال منتقل کر دیا۔