عظمٰی بخاری نے کہا ہے کہ  پنجاب کےعوام فتنہ، احتجاج کی سیاست کوسپورٹ نہیں کرتے۔ پارا چنارکی سڑکیں کھلوانا گنڈا پورکا کام ہے، مریم نوازکا نہیں۔

لاہورمیں وزیراطلاعات پنجاب عظمیٰ بخاری نے نیوزکانفرنس کرتے ہوئے کہا ہے کہ وزیراعلیٰ مریم نوازکوحکومت میں آئے10ماہ ہوگئے، 10ماہ حکومت کی پروگریس رپورٹ موجود ہے، پنجاب کےعوام کےلیے 2024 بہت اچھاثابت ہوا۔

عظمیٰ بخاری نے کہا کہ 2024جاتےجاتےبھی اچھی خبریں، خوشیاں دے کرجائےگا، اسٹاک ایکسچینج میں اضافہ، مہنگائی 4 سے 5 فیصد کے درمیان ہے، خسارے کاشکاراکاؤنٹ اب سرپلس میں ہے۔

وزیراطلاعات پنجاب نے کہا کہ مریم نوازنے ثابت کیا کارکردگی کے لیے باری لینا ضروری نہیں، مریم نوازکے لیے حکومت چلانا نیا تجربہ تھا،  وزیراعلیٰ پنجاب عوام کے لیے بہترین اقدامات کررہی ہیں، عہدے، وسائل بہت ساری قوتوں کے پاس رہے ہیں، مریم نوازنے وہ منصوبےشروع کیے جوپہلےکسی حکمران نےنہیں کیے۔

عظمیٰ بخاری نے کہا کہ پنجاب کےعوام فتنہ، احتجاج کی سیاست کوسپورٹ نہیں کرتے، 64لاکھ خاندانوں کودہلیزپررمضان نگہبان پیکج دیا گیا،  کرم، پاراچنارمیں سیکیورٹی معاملات ٹھیک ہونے کا نام نہیں لےرہے۔

انھوں نے مزید کہا کہ  پاراچنارکی سڑکیں کھلوانا گنڈاپورکاکام ہے، مریم نوازکانہیں۔ پنجاب کی ائرایمبولینس پاراچنارمیں خدمات سرانجام دےرہی ہے، کراچی، لاہورمیں بھی احتجاج، سڑکیں بند ہورہی ہیں۔