چیئرمین پی پی بلاول بھٹو زرداری اسلام آباد میں مولانا فضل الرحمن سے ملاقات کے لیے ان کی رہائش گاہ پہنچ گئے۔

چیئرمین پاکستان پیپلز پارٹی (پی پی پی) بلاول بھٹو زرداری نے اپنے وفد کے ہمراہ جمیعت علمائے اسلام (جے یو آئی) کے سربراہ مولانا فضل الرحمان کی رہائشگاہ پر ملاقات کی۔

ملاقات میں دونوں رہنمااؤں کے درمیان اہم سیاسی امور پر تبادلہ خیال کیا گیا۔

ملاقات میں خاص طور پر مدارس رجسٹریشن ایکٹ پر صدر مملکت کی جانب سے دستخط نہ ہونے کے معاملے پر گفتگو کی گئی۔

اس موقع پر مولانا فضل الرحمان کے علاوہ مولانا عبدالغفور حیدری، سینیٹر کامران مرتضٰی، حاجی غلام علی، مولانا لطف الرحمان اور مولانا اسعد محمود بھی موجود تھے۔

 پی پی پی کی جانب سے راجہ پرویز اشرف اور قمر زمان کائرہ بھی ملاقات میں شریک ہوئے۔